Шуурхай мэдээ



Мисс Н.Ану загварын амжилтаа бататгаж, Азийн супер модель боллоо


  • Нийтлэсэн: MMNews.mn
  • 2015-04-27 12:12
  • 0

“Miss Mongolia” тэмцээний тэргүүн мисс Н.Ану олон улсын чанартай хэд хэдэн тэмцээнээс тэргүүн шагналыг нь хүртсэн сайхан бүсгүй. Миссийн титмээ загварын амжилтаараа “өнгөлж” яваа тэрбээр хошин урлагийн уран бүтээлчдийн урилгаар шоу тоглолтод нь оролцоод амжсан.

Бийлэгжүү эрчүүдийн болзох саналаас татгалзан, үе тэнгийн залууг насны ханиараа сонгосон мисс Н.Ану өнгөрсөн жил гэрлэх саналыг нь зөвшөөрч, албан ёсоор сүйт бүсгүй болоод байгаа. Өдгөө хамтдаа амьдарч буй тэдний хувьд нижгэр хуримын тов дуулгахаасаа өмнө хэн, хэнийхээ хүсч тэмүүлсэн амжилтыг гаргахыг хичээж буй гэсэн.
Тэгвэл мисс бүсгүй маань саяхан БНСУ-д зохион байгуулагдсан “Азийн супер модель-2015” тэмцээнд амжилттай оролцон тэргүүлж, Гран при шагналыг нь хүртжээ. Энэ тухайгаа өөрийн цахим хуудсанд албан ёсоор мэдэгдэж “Энэ жил Монголоос сонгогдсондоо баяртай байна. Цаашид ихийг хийж бүтээх болно оо. Хамт байсан, тусалж дэмжсэн найзууддаа баярлалаа. “Монгол модель” агентлагийн хамт олон, захиралдаа маш их талархаж байна. Ээждээ, дүүдээ, гэр бүлийнхэндээ хайртай шүү. Мэдээж үргэлж миний арыг дааж явдаг хайртдаа их баярлалаа” хэмээн сэтгэл догдлон бичжээ. 

 


АНХААРУУЛГА: Уншигчдын бичсэн сэтгэгдэлд www.mmnews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.


Санал асуулга

ЖДҮ-ийн зээлийг завшигч гишүүд, дарга нар зөвхөн уучлалт гуйгаад, зээлээ эргүүлэн төлөөд өнгөрөх нь зөв үү?

Бидэнтэй нэгдээрэй

Жиргээ