Шуурхай мэдээ



Эрүүл мэндийн дэд сайд Багануур дүүрэгт ажиллалаа


  • 2018-11-29 12:58
  • 1

Эрүүл мэндийн сайдын баталсан удирдамжийн дагуу Эрүүл мэндийн дэд сайд Л.Бямбасүрэн, 2018 оны 11 сарын 27-ны өдөр Багануур дүүргийн Эрүүл мэндийн төв, Энэрэлт өлзий,  Ач элбэрэл өрхийн эрүүл мэндийн төвүүдийн  эмнэлгийн тусламж, үйлчилгээ, томуу, томуу төст өвчний үед авч хэрэгжүүлж байгаа арга хэмжээ, эрүүл мэндийн байгууллагын хариу арга хэмжээний бэлэн байдалтай танилцахад Багануур дүүргийн Засаг даргын орлогч Т.Отгонболд, Нийгмийн хөгжлийн хэлтсийн дарга  Г.Гэрэлмаа нар байлцлаа.


Багануур дүүргийн ЭМТ нь дүүргийн 5 хорооны 7987 өрхийн 28000 гаруй  хүн амд эрүүл мэндийн тусламж үйлчилгээг 314 эмч, эмнэлгийн мэргэжилтнүүд үзүүлж байгаа бөгөөд Эрүүл мэндийн сайдын баталсан зааврын дагуу томуу, томуу төст өвчний бэлэн байдлын төлөвлөгөөг гарган, эм, эмнэлгийн хэрэгсэл, хүний нөөцийн хангамжид анхаарал хандуулан ажиллаж байна.
Ажлын хэсэг тус төвийн хүүхдийн тасаг,  хүлээн авах, түргэн тусламжийн болон бусад тасгийн үйл ажиллагаатай танилцан иргэд үйлчлүүлэгч, эмнэлгийн мэргэжилтнүүдтэй уулзан, тэдний санал бодлыг сонслоо. Мөн дүүргийн Засаг даргын тамгын газраас эрүүл мэндийн төвүүдийн үйл ажиллагаа, тусламж үйлчилгээнд хэрхэн дэмжлэг үзүүлэн ажилладаг талаарх мэдээллийг хийж, харилцан санал солилцлоо.


Тус төвийн амбулаторийн үзлэгийн 3.7%-ийг томуу, томуу төст өвчин эзэлж байна. Энэ өдрийн байдлаар 40 хүүхэд хэвтэн эмчлүүлж байгаа бөгөөд орны хүлээгдэл, ачаалалгүй хэвийн ажиллаж байна. Цаашид нэмэлтээр 86 ор дэлгэн хүүхдийн тусламж, үйлчилгээг үзүүлэх боломжийг бүрдүүлсэн  байна.
Мөн дүүргийн хэмжээний “Элэг бүтэн Монгол” үндэсний хөтөлбөрийн хүрээнд элэгний В, С вирус илрүүлэх шинжилгээний болон иргэдийн урьдчилан сэргийлэх, эрт илрүүлэх үзлэг /багц/-ийн явцтай танилцлаа.
Ажлын хэсэг Энэрэлт өлзий,  Ач элбэрэл өрхийн эрүүл мэндийн төв /ӨЭМТ/-үүд дээр ажиллав.
Энэрэлт өлзий ӨЭМТ нь Багануур дүүргийн 1 дүгээр хорооны 9000 гаруй хүн амд 4 эмч, 5 сувилагч эрүүл мэндийн болон нийгмийн эрүүл мэндийн тусламж үйлчилгээг үзүүлж байна. Хорооны нутаг дэвсгэр байрлах 3 цэцэрлэг болон  зорилтот бүлгийн хүн амыг томуугийн эсрэг дархлаажуулалтад хамруулсан. Өнгөрсөн 7 хоногт 634 иргэд амбулаторийн үзлэгт хамрагдснаас 0.4 хувь нь томуу, томуу төст өвчин эзэлж байна.


Ач элбэрэл ӨЭМТ нь Багануур дүүргийн 5 дугаар хорооны 6400 гаруй хүн амд 3 эмч, 3 сувилагч эрүүл мэндийн болон нийгмийн эрүүл мэндийн тусламж үйлчилгээг үзүүлдэг. Хорооны нутаг дэвсгэрийн  зорилтот бүлгийн хүн амыг томуугийн эсрэг дархлаажуулалтад хамруулсан. Өнгөрсөн 7 хоногт 264 иргэд амбулаторийн үзлэгт хамрагдснаас 6.4 хувь нь томуу, томуу төст өвчин эзэлж байна.
Дээрх 2 ӨЭМТ-үүдэд эрүүл мэндийн тусламж, үйлчилгээг Эрүүл мэндийн даатгалд хамруулахын ач холбогдол болон Эрүүл мэндийн сайдын 2017 оны “Өрхийн эрүүл мэндийн төвийн дүрмийг шинэчлэн батлах тухай” А/04 дугаар тушаал, Өрхийн эрүүл мэндийн бүтэц, үйл ажиллагааны стандарт MNS 5292:2017 тус тус хэрэгжүүлж ажиллах чиглэлээр санаачлагатай ажиллахыг хэллээ.
 Эрүүл мэндийн дэд сайд Багануур дүүргийн эрүүл мэндийн төвдүүдэд ажиллан эмнэлгийн тусламж үйлчилгээ, томуу, томуу төст өвчний чиглэлээр цаашид авч хэрэгжүүлэх арга хэмжээ, эрүүл мэндийн байгууллагын хариу арга хэмжээний бэлэн байдал ялангуяа эм, тариа, орны нөөцийн бэлтгэл болон  урьдчилан сэргийлэх мэдээлэл сургалт,  сурталчилгааг эрчимжүүлэх болон иргэдэд зөвлөгөө өгөх утас ажиллуулах, хүүхдийн өвчний оношилгоо, эмчилгээний зааврын хэрэгжилтэд анхаарах, чанд мөрдөн ажиллах чиглэлээр зөвлөмж өглөө.

 


АНХААРУУЛГА: Уншигчдын бичсэн сэтгэгдэлд www.mmnews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл үлдээхНийт: 1

  • Зочин 103.212.117.xxx

    одоо энэ болсон болоогүй тууз хайчилдаг, нээллтэй хаалга, байгууллагуудаар сүр бадруулж орж ажил хийж байгаа дүр эсгэдэг элий балай өнгөрсөн үеийн тэнэг юмаа зогсоох хэрэгтэй. энэ авгай ингэх хэрэггүй, асуудал ярилцах, ярилцах, шийдвэр гаргах гэх мэт өдөр тутмын ажлаа он лайн маягаар хийгээд явж болно ш дээ. 21-р зуун шүү. харин иргэд бол тухайн эмнэлэг эсвэл сургууль яаж хартцаж байна гэдгийг хангалттай нэмэлт хачиргүйгээр хэлээд өгнө. бас бус юм гарч болно, зориуд хүнийг харлуулах гэх мэт, манайхан чинь бас иймэрхүү хар юмандаа их гаршсан улсууд. тэрүүн дээр нь бодитой шударга хандаад явахад болно ш дээ. тэгэхгүй баахан бензин тос гарздаа л нөгөөдүүл нь дарга нар ирэх гэж байгаа гээ л баахан сүржигнээ л энэ авгайг дагаж бас баахан далдагууд явна, энэ түгжрээ нтр лай л байна. ийм элийгээ зогсоох хэрэгтэй

    • 2018-11-30 11:07

Санал асуулга

ЖДҮ-ийн зээлийг завшигч гишүүд, дарга нар зөвхөн уучлалт гуйгаад, зээлээ эргүүлэн төлөөд өнгөрөх нь зөв үү?

Бидэнтэй нэгдээрэй

Жиргээ