Шуурхай мэдээ



Монгол найрагчийн шүлэг гадны сургалтын хөтөлбөрт оржээ


  • Нийтлэсэн: MMNews.mn
  • 2019-05-18 20:51
  • 3

Яруу найрагч Ч.Дагмидмаагийн "Монгол хүн та дээшээ суу" шүлэг Өвөрмонгол, Халимаг улсын дунд сургуулийн хичээлийн хөтөлбөрт орсон байна. Монгол туургатан эдгээр улс энэхүү уран бүтээлийг сургалтын программдаа албан ёсоор оруулж, сурагчдадаа зааж сургах ажлыг идэвхийлэн хийж байгааг дараах бичлэг тодхон илтгэж байна.

Монгол хүн та дээшээ суу

Монгол хүн та дээшээ суу
Морин хуурандаа ойрхон суу

Шагайн дөрвөн бэрхэнд аз увьдис бууж
Шандаст хүлгийн зоонд ардын дуугаан аялдаг
Дэлгэн барьсан хадагных нь өнгөнд тэнгэр гэрэлтэж
Дээшээ харсан алганд нь дэлхий бүхлээрээ багтдаг
Дээлтэй хөх өвгөд минь гаанс хөөргөөрөө гоёж
Дээрээ тоонотой гэртээ зуун зууныг элээсэн
Монгол хүн та дээшээ суу
Морьтой сүлдэндээ ойрхон суу…

Унасан хүлгийнх нь тэргүүнд сар бууж
Ууж суугаа аягатай цайнд нь нар хөвдөг
Уйлсан хүүхдээ галынхаа цогонд ширэглэж
Ус голынх нь чулуугаар домнож өсгөдөг
Уужим талын цээжийг гэрийнхээ бууриар тамгалж
Унь ханаа шаргиулан нүүж дөрвөн цагийг уяраасан
Монгол хүн та дээшээ суу
Монгол гэрийнхээ хойморт суу

Атганаас буусан шагай дөрвөн бэрх буутал
Ардын дуугаан дуулж хуурынхаа аялгуунд дэлгэр
Алтан намрын шүүдрийг мөнхийн ус болтол
Адис жанлавий нь хүртэж хурмастын доор залбир
Эргэн төрөхгүй аялгуу зүрхнээ дахин эгшиглэж
Энэ хаврын уулсыг өнгөөн хувилтал дуул…
Ээж ээжийн хайр дэлхийн мэлмий нээж
Энэ цагийн Монголын зовлон холхнуур тойрог
Монгол хүн та дээшээ суу
Монгол гэрийнхээ хойморт суу
Морин хуурынхаа дэргэд суу…..


АНХААРУУЛГА: Уншигчдын бичсэн сэтгэгдэлд www.mmnews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл үлдээхНийт: 3

  • Зочин 202.55.188.xxx

    bolj hu

    • 2019-05-30 12:42
  • Зочин 202.55.188.xxx

    bayarlalaa

    • 2019-05-26 23:15
  • Зочин 112.72.11.xxx

    goy shuleg

    • 2019-05-23 10:02

Санал асуулга

Үндсэн Хуулинд нэмэлт өөрчлөлт оруулахыг дэмжиж байна уу?

Бидэнтэй нэгдээрэй

Жиргээ