Шуурхай мэдээ



Эрсдэлт бүлгийн айл өрхүүдийн пийшин, зуухыг засварлаж янданг шинэчлэв


  • Нийтлэсэн: MMNews.mn
  • 2019-12-06 10:36
  • 0

Монгол Улсын Засгийн газрын Түүхийн нүүрс хэрэглэхийг хориглох тухай шийдвэрийн хүрээнд нийслэл, дүүргийн хэмжээнд олон талт үйл ажиллагааг авч хэрэгжүүлж байна.

Сүхбаатар дүүргийн Засаг даргын Тамгын газраас нийслэлийн Онцгой комиссын 11 дүгээр хуралдаанаас тэмдэглэлээр өгсөн үүрэг даалгаврын хүрээнд хороо тус бүрийн эрсдэлт бүлгийн айл өрхийн судалгааг нарийвчлан гаргаж, нэн шаардлагатай айл өрхүүдэд түлшний тусламж үзүүлэх, ханан пийшин, зуухыг засварлах, янданг шинэчлэх ажлыг хийж байна.

Ингэхдээ дүүргийн Онцгой комиссын шийдвэрийн дагуу Засаг дарга захирамж гарган түлш олгох, пийшин зуух засварлах янданг шинэчлэх ажлуудын санхүүжилтийг шийдвэрлэсэн юм.

Судалгааны дүнд гэр хорооллын амьжиргааны түвшин доогуур 487 өрх тус бүрт 0.5 тонн түлшний бодит тусламж үзүүлэх, 83 айлын зуух, ханан пийшин засварлахаас засах боломжгүй есөн өрхийн янданг шинэчлэв.

СҮХБААТАР ДҮҮРГИЙН ЗАСАГ ДАРГЫН ТАМГЫН ГАЗАР


АНХААРУУЛГА: Уншигчдын бичсэн сэтгэгдэлд www.mmnews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.


Санал асуулга

Монгол Улс ШХАБ-д элсэх нь зөв үү?

Бидэнтэй нэгдээрэй

Жиргээ