Шуурхай мэдээ



Тэтгэлэгт хөтөлбөрт оролцохыг урьж байна


  • Нийтлэсэн: MMNews.mn
  • 2020-09-28 17:45
  • 0

Гамшигт тэсвэртэй дэд бүтцийн эвсэл/CDRI/ нь дэд бүтцийн системийг уур амьсгалын болон гамшгийн эрсдэлд тэсвэртэй болгох замаар тогтвортой хөгжлийг хангах зорилготой улс орнуудын Засгийн газрууд, НҮБ-ын агентлаг, хөтөлбөрүүд, Олон улсын банк, санхүүжилтийн байгууллагууд, хувийн хэвшил болон боловсролын байгууллагуудын түншлэл юм.

CDRI-ийн инноваци, гамшигт тэсвэртэй дэд бүтцийн (DRI) талаарх судалгааны энэхүү хөтөлбөр нь гамшигт тэсвэртэй дэд бүтцийн (DRI)-ийн бодит асуудлуудыг шийдвэрлэх, шийдлийг олоход практик болон академик талаас нь нийгмийн манлайллыг дэмжихэд оршино.   

Нийт 10,000 хүртэлх ам долларын тэтгэлгийг 30 хүнд олгох бөгөөд хөтөлбөрийн талаарх дэлгэрэнгүй мэдээллийг https://fellowship.cdri.world/ цахим хаягаар авах боломжтой.

CDRI тэтгэлэгт хөтөлбөрийн онцлог:

1) 10,000 ам долларын нэг удаагийн буцалтгүй тусламж

2) CDRI гишүүн орнуудаас нэр дэвшигчдэд нээлттэй (https://cdri.world/members.php)

3) Эрдэм шинжилгээний бичиг, харьяаллын хязгаарлалт байхгүй

4) Судалгааны ажлыг жилийн хугацаанд хийх

5) Дэлхийн хэмжээний удирдагчдад санаагаа танилцуулах

Цахим бүртгэл 2020 оны 9 дүгээр сарын 15-аас 2020 оны 11-р сарын 15-ны 23:59 цаг хүртэл /БНЭУ-ын цагаар/явагдана.

Дэлгэрэнгүй мэдээллийг http://Twitter https://twitter.com/cdri_world/status/1300733272461172736 хаягаар орж үзэх боломжтой.

Хөтөлбөрт нэр дэвших хүсэлтэй алба хаагчид Онцгой байдлын ерөнхий газрын Бодлого зохицуулалт, хамтын ажиллагааны газрын Гадаад хамтын ажиллагааны хэлтсийн 263562 дугаарт болон for.rel@nema.gov.mn цахим хаягт хандана уу.

ОНЦГОЙ БАЙДЛЫН ЕРӨНХИЙ ГАЗАР


АНХААРУУЛГА: Уншигчдын бичсэн сэтгэгдэлд www.mmnews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.


Санал асуулга

Монгол Улс ШХАБ-д элсэх нь зөв үү?

Бидэнтэй нэгдээрэй

Жиргээ